सोलुखुम्बु — सगरमाथा क्षेत्रमा फोहोरको समस्या गम्भीर बन्दै गएको छ। प्रत्येक वर्ष हजारौं आरोहीहरू सगरमाथा पुग्नेक्रम बढ्दै जाँदा फोहोर व्यवस्थापन चुनौतीपूर्ण बनेको हो।
सरकार, स्थानीय निकाय र गैरसरकारी संस्थाहरूले संयुक्तरूपमा सगरमाथा सफाइ अभियान सञ्चालन गरिरहेका छन्। यसवर्ष १० टनभन्दा बढी फोहोर संकलन गरिएको छ। आरोहीहरूबाट प्लास्टिक, अक्सिजन सिलिण्डर र पालजस्ता सामग्रीहरू छाडिने गरेका छन्।
फोहोरले वातावरणमा नकारात्मक असर पार्ने भएकाले दिगो व्यवस्थापन आवश्यक देखिएको छ। सरकारी निकायहरूले आरोहीहरूलाई फोहोर व्यवस्थापनका लागि सचेत गराउँदै आएका छन्।
